I wrote this poem on Hindi Diwas. The idea behind it is that "Hindi" is a person narrating the change he has experienced in his lifetime.



Baat hai uss samay ki jab charam par mera darja tha,
Nikala karta tha jo mai ghar se,
Raub gazab hi hota tha.
Vaid fakeer kya ameer gareeb,
Sab ki zubaan pr mera charcha tha,
Baat hai uss samay ki jab charam par mera darja tha..

Yaad hai muje woh din purane,
Jab istemaal mera khub hota tha.
Filmo ke gaano mei jab buna muje jaata
toh sunke unn shabdo ko pyar sunne wale ko ho jaata tha,
Chote bache ka jab phela shabd "maa" hua krta tha
toh seena khushi se mera aur fool jaata tha.

Fir aae woh angrez hind mei aastitv mera mitane ko,
Lekin ladd ke unse bhi, maine khud lehraya apne maan ka parcha tha,
Baat hai uss samay ki jab charam par mera darja tha..

Bhaga ke unko desh se mere, maine sukoon paya tha,
Lekin badal sankat ka muhj pr fir se laut aaya tha.
Dehka mere hind mei hi muje thukraya ja raha hai,
Gaano mei pyar ki jagah love you love you gaaya jaa raha hai.
Hua jo bacha bada thoda umeed khushi ki jaagi hai,
Lekin suna jo mom uske muhh se toh laga saas nahi ab baaki hai.

Karu kya shikayat aam logo ki ab,
Yaha toh kaanoon bhi sab angrezi mei hota hai.
Ho jo koi faisla bhi agar mere paksh mei toh woh bhi angrezi mei hi hota hai.
Haalaat ho gye hai aise ab ke neend bhi nahi aani hai,
Vaid fakeer kya ameer gareeb,
Sab ki angrezi hi ab zubani hai.

Umeed hai aaj bhi ke ghar se bahar fir mai nikaluga,
Seena hoga garvit mera, sabki aawaz mei chehkuga.
Nahi koi dushmani meri angrezi se, maat fir isse mai de dunga,
Hai kya auda hind mei mera, bta ek din sabko dunga.
Bs yehi zara dard tha mera, jiska hua na kabhi charcha tha,
Baat hai uss samay ki jab charam par mera darja tha....